నవతెలంగాణ-చండ్రుగొండ
చండ్రుగొండ టీఆర్‌ఎస్‌ పార్టీ టౌన్‌ ప్రెసిడెంట్‌ సూరా వెంకటేశ్వర్లు తండ్రి సూరా కృష్ణయ్య (75) ఇటీవల గుండెపోటుతో మృతి చెందారు. సోమవారం మండల కేంద్రంలో జరిగిన సురా కృష్ణయ్య దశదిన కార్యక్రమం నిర్వహించారు. ఈ కార్యక్రమానికి ఖమ్మం ఎంపీ నామా నాగేశ్వరరావు, అశ్వరావుపేట శాసనసభ్యులు మెచ్చా నాగేశ్వరరావు పాల్గొని సూరా కృష్ణ చిత్రపటానికి పూలమాలలు వేసి నివాళులర్పించారు. అనంతరం వారి కుటుంబ సభ్యులను ఓదార్చి పరామర్శించారు.
ఈ సందర్భంగా వారు మాట్లాడుతూ... బీఆర్‌ఎస్‌ పార్టీ నాయకులను, కార్యకర్తలను, ఎల్లవేళలా కంటికి రెప్పలా కాపాడుకుంటామన్నారు. నివాళులర్పించిన వారిలో పార్టీ మండల అధ్యక్షుడు ధారా వెంకటేశ్వరరావు, ప్రధాన కార్యదర్శి ఉప్పతల ఏడుకొండలు, అన్నపురెడ్డిపల్లి మండల అధ్యక్షుడు బోయినపల్లి సుధాకర్‌, దమ్మపేట మండల అధ్యక్షుడు దొడ్డకుల రాజేశ్వరరావు, జడ్పీటీసీ పైడి వెంకటేశ్వర్లు, చండ్రుగొండ జడ్పీటీసీ కొనకండ్ల వెంకటరెడ్డి, గుంపెన సొసైటీ వైస్‌ చైర్మన్‌ నల్లమోతు వెంకటనారాయణ, జిల్లా కో ఆప్షన్‌ సభ్యులు సయ్యద్‌ రసూల్‌ తదితరులు నివాళులర్పించారు.
