- రాజకీయ నాయకులు, ప్రముఖుల సంతాపం
నవతెలంగాణ-మణుగూరు
         సీనియర్‌ జర్నలిస్ట్‌ కుంట సతీష్‌కు మాతృవియోగం జరిగింది. సోమవారం తెల్లవారుజామున టీవీ9 జర్నలిస్ట్‌ మాతృమూర్తి కుంట సావిత్రి (61) గుండెపోటుతో మరణించారు. విషయం తెలుసుకున్న విప్‌, ఎమ్మెల్యే రేగా కాంతారావు సావిత్రి మృతదేహానికి పూలమాల వేసిన నివాళులర్పించారు. అదేవిదంగా సీపీఐ రాష్ట్ర కార్యవర్గ సభ్యులు బి.అయోధ్యచారి ఆమె పార్దీవదేహానికి పూల మాల వేసి నివాళులర్పించారు. సతీష్‌ కుటుంబానికి సంతాపం తెలిపారు. సీపీఐ(ఎం), సీపీఐ, టీఆర్‌ఎస్‌, కాంగ్రెస్‌, బీఎస్పీ, బీజేపీ, వివిధ కుల సంఘాల నాయకులు, పట్టణ ప్రముఖులు పూల మాలలు వేసి సంతాపం తెలిపారు. సీపీఐ(ఎం) నాయకులు కొడిశాల రాములు, లెనిన్‌ బాబు, గుర్రం నరసయ్య, సీపీఐ నాయకులు బి.అయోధ్య, మున్నా లక్ష్మీకుమారి, జంగం మోహన్రావు, ఎస్‌.కే.సర్వర్‌ కుటుంబరావు సందర్శించి పూలమాలవేసి నివాళులర్పించారు. సతీష్‌ని పరామర్శించి, కుటుంబ సభ్యులను ఓదార్చి ప్రగాఢ సానుభూతి తెలిపారు.