- జాతీయ సేవారత్న అవార్డుకు ఎంపికైన గంటా రాధ
నవతెలంగాణ-మణుగూరు
             ఆమె చేసిన సేవలు ఎంతో మంది స్త్రీలకి స్ఫూర్తిదాయకంగా నిలుస్తాయి. దానధర్మట్రస్టు ఆధ్వర్యంలో ఎంతో మందికి ఆర్విక సహాయం అందజేసి అండగా నిలబడింది. వివరాల్లోకి వెళ్తే... దాన ధర్మ ట్రస్టు వ్యస్థాపకురాలు గంటా రాధ జాతీయ సేవ రత్న అవార్డుకు ఎంపికైనట్లు సోమవారం ఆమె విలేకరులకు తెలిపారు. ఈ సందర్బంగా మాట్లాడుతూ ఆదివారం హైదరాబాద్‌లోని బహుజన సాహిత్య అకాడమీ వ్యస్థాపక అధ్యక్షుడు నల్లా రాధాకృష్ణ చేతుల మీదుగా అవార్డు పత్రం అందుకున్నారన్నారు. ఈ సందర్భంగా నల్లారాధ కృష్ణ మాట్లాడుతూ మణుగూరు వంటి మారు మూల ప్రాంతాల్లో దాన ధర్మ ట్రస్టు ఆధ్వర్యంలో అనేక రకాల సేవా కార్యక్రమాలు చేస్తూ ఎంతో మందికి సహాయ సహకారాలు అందిస్తున్నందుకు ఈ అవార్డును అందజేశారన్నారు. అనంతరం నల్ల రాధాకృష్ణకు, బహుజన సాహిత్య అకాడమీ వారికి ఆమె ప్రత్యేక కృతజ్ఞతలు తెలిపారు.