- సీడీపీఓకు షోకాజ్‌ నోటీసులు జారీ
నవతెలంగాణ-దుమ్ముగూడెం
మండలంలోని ముసలిమడుగు గ్రామంలో గల మోడల్‌ పాఠశాలను ఐటీడీఏ పీఓ గౌతమ్‌ పోట్రు గురువారం ఆకస్మికంగా తనిఖీ చేశారు. ఈ సందర్బంగా మోడల్‌ పాఠశాలలో నాల్గవ, ఐదవ తరగతి విద్యార్థులకు అందిస్తున్న ఈఎంఆర్‌ శిక్షణ టీజి సెట్‌ కోచింగ్‌ గురించి పాఠశాల ప్రదానోపాధ్యాయురాలిని అడిగి తెలసుకున్నారు. పాఠశాల పక్కనే నిర్వహిస్తున్న అంగన్వాడీ సెంటర్‌ను సందర్శించగా ఆ సమయంలో పిల్లలు అంగన్వాడీ టీచర్‌ పార్వతి లేక పోవడం అక్కడ ఉన్న వారు ఆయా, టీచర్‌ రాలేదని పిల్లలు గ్రామంలో పెళ్లి ఉంటే అక్కడకు వెళ్లారని తెలిపారు. వెంటనే ఆయన సీడీపీఓ సులోమికి షోకాజ్‌ నోటీసులు జారీ చేయడంతో పాటు దీనిపై వీలైనంత త్వరగా తనకు సమాధానం చెప్పాలని ఐసీడీఎస్‌ ప్రాజెక్టు డైరెక్టర్‌ను ఆదేశించారు. పీఓ సూచనల మేరకు ఏసీఎంఓ తెల్లం రమణయ్య పెద్దనల్లబల్లి, ఆదర్శనగర్‌ పాఠశాలతో పాటు గౌరవరం బాలికల వసతి గృహాన్ని సందర్శించారు. పది పరీక్షలు దగ్గర పడుతున్నందున మంచి ఫలితాలు వచ్చే విదంగా ఉపాధ్యాయులు ప్రత్యేక తరగతులు నిర్వహించాలని సూచించారు. ఆయన వెంట ఏటీడీఓ పూనెం నర్సింహారావు, ప్రదానోపాధ్యాయురాలు సుశీల తదితరులు ఉన్నారు.
