- సీపీఐ(ఎం) రాష్ట్ర కమిటీ సభ్యులు మచ్చా
నవతెలంగాణ-దుమ్ముగూడెం
          పెట్టుబడీ దారుల గుండెల్లో రైళ్లు పరుగెత్తించిన ఉద్యమ వీరుడు, మహా నాయకుడు కారల్‌ మార్క్స్‌ స్పూర్తితో ఉద్యమించాలని సీపీఐ(ఎం) రాష్ట్ర కమిటీ సభ్యులు మచ్చా వెంకటేశ్వర్లు పిలుపునిచ్చారు. మంగళవారం ములకపాడు యలమంచి సీతారామయ్య భవన్‌లో జిల్లా కమిటీ సభ్యులు యలమంచి వంశీకృష్ణ అధ్యక్షతన కారల్‌ మార్స్క్‌ 140వ వర్దంతి వేడుకలను ఘనంగా నిర్వహించారు. ముందుగా కారల్‌ మార్క్స్‌ చిత్రపటానికి నాయకులు పూలమాలలు వేసి నివాళులు అర్పించారు. అనంతరం జరిగిన సభలో మచ్చా మాట్లాడుతూ మానవజాతి చరిత్ర గుట్టు విప్పిన మహౌన్నతుడు, పుణ్యపురుషుడు కారల్‌ మార్క్స్‌ అని కొనియాడారు. చరిత్ర నిర్మాతల్లో కారల్‌ మార్క్‌ ఒకరని, నేడు ప్రపంచ వ్యాప్తంగా కారల్‌ మార్క్‌ వర్ధంతి వేడుకలు జరుపుకుంటున్నారని ఆయన అన్నారు. ఈ కార్యక్రమంలో పార్టీ రాష్ట్ర నాయకులు పిట్టల రవి, జిల్లా కమిటీ సభ్యులు కె.బ్రహ్మాచారి, మండల కార్యదర్శి కారం పుల్లయ్య, జిల్లా కమిటీ పభ్యులు రమేష్‌, మర్మం చంద్రయ్య, కొర్సా చిలకమ్మ, నాయకులు యలమంచి శ్రీనుబాబు, బొల్లి సత్యనారాయణ, కుమ్మరికుంట్ల సాంబశివరావు, చిన్ను, సున్నం వెంకటేశ్వర్లు తదితరులు పాల్గొన్నారు.