- నివాళి అర్పించిన కాసాని
నవతెలంగాణ-సుజాతనగర్‌
         సీపీఐ(ఎం) సీనియర్‌ నాయకులు చింతలపూడి రామారావు మంగళవారం తెల్లవారుజామున గుండె నొప్పితో ఆకస్మికంగా మృతి చెందారు. విషయం తెలుసుకున్న పార్టీ రాష్ట్ర నాయకులు కాసాని అయిలయ్య వారి పార్థివ దేహానికి ఎర్ర కండువా కప్పి నివాళులర్పించారు. అనంతరం వారు మాట్లాడుతూ పార్టీ విస్తరణలో ఆయన కీలక పాత్ర పోషించారని అన్నారు. వీరి మరణం పార్టీకి తీరని లోటు అని, పార్టీ ఎల్లవేళలా వీరి కుటుంబానికి అండగా ఉంటుందని తెలిపారు. ఈ కార్యక్రమంలో పార్టీ జిల్లా కార్యదర్శి అన్నవరపు కనకయ్య, జిల్లా కమిటీ సభ్యులు కున్సోత్‌ ధర్మ, రైతు సంఘం జిల్లా కార్యదర్శి అన్నవరపు సత్యనారాయణ, మండల కార్యదర్శి వీర్ల రమేష్‌, జిల్లా కార్యదర్శి వర్గ సభ్యులు లిక్కి బాలరాజు, యాస నరేష్‌, గండమల్ల భాస్కర్‌, కొండే కృష్ణ, కాట్రాల తిరుపతిరావు, బచ్చలి కూర శ్రీను, నల్లగోపు పుల్లయ్య, ఉడుగుల శ్రీకాంత్‌ తదితరులు పాల్గొన్నారు.