- పలువురికి పరామర్శ
నవతెలంగాణ-ఖమ్మంరూరల్‌
సీపీఐ(ఎం) రాష్ట్ర కార్యదర్శి తమ్మినేని వీరభద్రం గురువారం ఖమ్మం రూరల్‌ మండలంలోని పలు గ్రామాల్లో పర్యటించారు. ఈ సందర్భంగా ఇటీవల అనారోగ్యానికి గురైన పలువురు కమ్యూనిస్టు కార్యకర్తలను పరామర్శించి త్వరగా కోలుకోవాలని ఆకాంక్షించారు. ఇటీవల మృతి చెందిన పలువురు కమ్యూనిస్టు కార్యకర్తల చిత్రపటాలకు నివాళులర్పించి వారి కుటుంబాలకు అండగా ఉంటామని తెలిపారు. మండలంలోని బారుగూడెం గ్రామంలో ఇటీవల మృతి చెందిన మాజీ ఎంపీటీసీ బొడ్డు చిన్న లక్ష్మయ్య సంతాప సభలో పాల్గొని ప్రసంగించారు. ఈ సందర్భంగా లక్ష్మయ్య సిపిఎం పార్టీకి ఆయన చేసిన సేవలను కొనియాడారు. కాచిరాజు గూడెంలో ఇటీవల మృతి చెందిన మహంకాళి పుల్లమ్మ చిత్రపటానికి పూలమాలవేసి నివాళులర్పించారు. అనారోగ్యానికి గురైన మాజీ సర్పంచ్‌ అద్దంకి తిరుపతమ్మ, డీవైఎఫ్‌ఐ మండల కార్యదర్శి పొన్నం మురళిని పరామర్శించి యోగక్షేమాలు అడిగి తెలుసుకున్నారు. రేగుల తండాలో విద్యుత్‌ షాక్‌తో ఇటీవల మృతి చెందిన ధరావత్‌ కృష్ణ చిత్రపటానికి పూలమాలాలు వేసి నివాళులర్పించారు. అనంతరం తల్లంపాడులో మృతి చెందిన వల్లెపు యశోద మృతదేహానికి పూలమాలవేసి నివాళులర్పించి వారి కుటుంబానికి తన ప్రగాఢ సానుభూతిని తెలిపారు. ఈ కార్యక్రమంలో సిపిఎం జిల్లా కార్యదర్శి వర్గ సభ్యులు బండి రమేష్‌, ఖమ్మం రూరల్‌ మండల కార్యదర్శి నండ్ర ప్రసాద్‌, నాయకులు ఉరడీ సుదర్శన్‌ రెడ్డి, పెరుమళ్ళపల్లి మోహన్‌ రావు, అద్దంకి తిరుమలయ్య, పొన్నం వెంకటరమణ, బత్తినేని వెంకటేశ్వరరావు, యామిని ఉపేందర్‌, వట్టి కోట నరేష్‌, తాటి వెంకటేశ్వర్లు, వల్లూరి సీతారామి రెడ్డి, పల్లె శ్రీనివాసరావు, జి.నాగయ్య, దండ్యాల వెంకటేశ్వర్లు, ధనియకుల రామయ్య, బండి ప్రకాష్‌ తదితరులు పాల్గొన్నారు.
