- నివాళులర్పించిన నున్నా నాగేశ్వరరావు
నవతెలంగాణ-చింతకాని
            మండల పరిధిలో నాగులవంచ గ్రామానికి చెందిన సిపిఐ(ఎం) సీనియర్‌ నాయకులు బండి నాగేశ్వరరావు(55) ఆదివారం మరణించారు. ఆయన గత కొంతకాలంగా అనారోగ్యంతో బాధపడుతున్నారు. మృతదేహాన్ని సిపిఐ(ఎం) పార్టీ జిల్లా కార్యదర్శి నున్నా నాగేశ్వరరావు పార్టీ రాష్ట్ర కమిటీ సభ్యులు పొన్నం వెంకటేశ్వరరావు సందర్శించి నివాళులర్పించారు. ఈ సందర్భంగా వారు మాట్లాడుతూ నాగేశ్వరరావు మృతి పార్టీకి తీరని లోటని పేర్కొన్నారు. నివాళులర్పించిన వారిలో పార్టీ మండల కార్యదర్శి మడిపల్లి గోపాలరావు, జిల్లా నాయకులు సామినేని రామారావు, ప్రముఖ న్యాయవాది తన్నీరు పాపయ్య, మండల కమిటీ సభ్యులు తోటకూరి వెంకట నరసయ్య, ఆలస్యం రవి, ఎంపీటీసీ మునుకుంట్ల నాగరత్నం, నాయకులు యరదేశి గోపాలరావు, బారాస నాయకులు ఖమ్మం మార్కెట్‌ కమిటీ డైరెక్టర్‌ వంకాయలపాటి వెంకట లచ్చయ్య తదితరులు ఉన్నారు.