- కవి సమ్మేళనంలో కవిత గానం అ కట్టెకోలను ప్రశంసించిన నెరసం
నవతెలంగాణ-ఖమ్మం
           శ్రీ పొట్టి శ్రీరాములు నెల్లూరు జిల్లా కేంద్రమైన నెల్లూరులో ఖమ్మంకు చెందిన రచయిత, ప్రముఖ కవి, సీనియర్‌ జర్నలిస్ట్‌ కట్టెకోల చిన నరసయ్యకు ఘన సత్కారం లభించింది. నెల్లూరు జిల్లా రచయితల సంఘం ఆధ్వర్యంలో ఆదివారం టౌన్‌ హాలులో శోభకృతు నామ ఉగాది పురస్కారాలు, జాతీయస్థాయి కవి సమ్మేళనాన్ని నిర్వహించారు. ఈ కవి సమ్మేళనంలో రెండు తెలుగు రాష్ట్రాలతో పాటు ఇతర రాష్ట్రాలకు చెందిన కవులు పాల్గొన్నారు. ఈ సమ్మేళనంలో కట్టెకోల మానవత్వాన్ని పరిమళించు అనే శీర్షికన రాసిన కవితను ఆలపించారు. అనంతరం ఆయనకు శాలువా కప్పి మెమెంటోతో ఘనంగా సత్కరించారు.