- అప్‌సెట్‌ ప్రైజ్‌ రాక నిలిచిన బోట్‌ షికార్‌ వేలం పాట
నవతెలంగాణ-దుమ్ముగూడెం
           మండలంలోని పర్ణశాల గ్రామపంచాయతీ కార్యాలయంలో సోమవారం సర్పంచ్‌ తెల్లం వరలకీë అధ్యక్షతన వాహన, బోట్‌ షికారు వేలం పాటలు నిర్వహించారు. వాహన పార్కింగ్‌ వేల పాటలో మొత్తం ఐదుగురు పాటదారులు పాల్గొనగా పెద్దబండిరేవు గ్రామానికి చెందిన సోయం రమేష్‌, పత్తిపాక గ్రామానికి చెందిన సోడి రామారావు మద్య పోటా, పోటీగా జరిగిన వేలం పాటలో సోయం రమేష్‌ రూ.26 లక్షల 60 వేలకు హెచ్చు పాట పాడి దక్కించుకున్నాడు. బోట్‌ షికారు వేలం పాటలో పలువురు పాట దారులు పాల్గొన్నప్పటికీ అప్‌సెట్‌ ప్రైజ్‌ రాకపోవడంతో పాటను పంచాయతీ అధికారులు వాయిదా వేసినట్లు ప్రకటించారు. వేలం పాటలో పర్ణశాల ఎంపీటీసీ తెల్లం బీమరాజు, ఎంపీఓ ముత్యాలరావు, పంచాయతీ కార్యదర్శి ప్రసాదరెడ్డిలతో పాటు పంచాయతీ పాలకవర్గ సభ్యులు పాల్గొన్నారు.