నవతెలంగాణ-కొత్తగూడెం
పోలీస్‌ ఫిజికల్‌ ట్రైనింగ్‌లో అర్హత సాధించిన పలువురు అభ్యర్థులకు ఫైనల్‌ పరీక్ష నిమిత్తమై కాంపిటీటివ్‌ ఎగ్జామ్‌ మెటీరియల్‌ను ఏరియా జిఎం జక్కం రమేష్‌ అందజేశారు. మంగళవారం ఏరియా జిఎం కార్యాలంలో జరిగిన కార్యాక్రమంలో పోలీస్‌ పరీక్షలో అర్హత సాధించిన అభ్యర్థులకు జిఎం చేతుల మీదుగా అందించారు. ఈ సందర్భంగా ఆయన మాట్లాడుతూ ఈ మెటీరియల్‌ చదువుకొని అభ్యర్థులందరూ అర్హత పొందాలని, ప్రిపేర్‌ అవడానికి ఎక్కువ సమయం కేటాయించాలని అభ్యర్థులందరూ విజయం సాధించాలన్నారు. ఈ కార్యక్రమంలో కొత్తగూడెం ఏరియా టీబీజీకేఎస్‌ కొత్తగూడెం ఏరియా వైస్‌ ప్రెసిడెంట్‌ ఎండి.రజాక్‌, ఏజీఎం పర్సనల్‌ పి.సామ్యూల్‌ సుధాకర్‌, సీనియర్‌ పిఓ జి సుధాకర్‌, సిఎంఓ ఏఐ కొత్తగూడెం ఏరియా వైస్‌ ప్రెసిడెంట్‌ బి.రామకృష్ణ, పోలీస్‌ ట్రైనింగ్‌ అర్హత పొందిన అభ్యర్థులు, త్రిబుల్‌ ఎస్‌ కో-ఆర్డినేటర్‌ సిహెచ్‌.సాగర్‌, కమ్యూనికేషన్‌ కో-ఆర్డినేటర్‌ కె.శ్రీనివాస్‌ రెడ్డి, ఆఫీస్‌ సిబ్బంది రామాల ప్రసాద్‌ పాల్గొన్నారు.
