- మండల స్థాయి క్రికెట్‌ పోటీలు ప్రారంభం
నవతెలంగాణ-ఎర్రుపాలెం
క్రీడా పోటీలు మానసిక ఉల్లాసానికి, దేహదారుఢ్యానికి ఉపయోగపడతాయని ప్రతి క్రీడాకారుడు గెలుపు ఓటములను సమానంగా పంచుకోవాలని జడ్పిటిసి శీలం కవిత క్రీడాకారులకు సూచించారు. మండల పరిధిలోని వెంకటాపురం గ్రామంలో శ్రీ రామ నవమి సందర్భంగా గురువారం గల్లీ బార్సు టీం ఆధ్వర్యంలో మండల స్థాయి క్రికెట్‌ పోటీలను జడ్పిటిసి శీలం కవిత, స్థానిక గ్రామ పంచాయితీ సర్పంచ్‌ బొగ్గుల లక్ష్మిలు రిబ్బన్‌ కట్‌ చేసి మ్యాచ్‌ లు ప్రారంభించారు. ఈ కార్యక్రమానికి ముఖ్య అతిథులుగా డిసిసిబి డైరెక్టర్‌ అయిలూరి వెంకటేశ్వరరెడ్డి, జమలాపురం ఆలయ కార్య నిర్వహణాధికారి జగన్‌ మోహన్‌ రావు విచ్చేశారు. క్రికెట్‌ పోటీలలో మొత్తం 20 టీములు పాల్గొననున్నట్లు నిర్వాహకులు తెలిపారు. మూడు రోజులు పాటు పోటీలు నిర్వహించబడతాయని తెలిపారు. ఈ కార్యక్రమంలో సర్పంచ్‌ బూసుపల్లి వెంకటరెడ్డి, ఎంపీటీసీ దోమందుల సామేలు, సొసైటీ చైర్మన్‌ వెన్నపూస కృష్ణారెడ్డి, మాజీ సొసైటీ చైర్మన్‌ బొగ్గుల గోవర్ధన్‌ రెడ్డి, సూపర్నెంట్‌ శ్రీనివాసరావు, గూడూరు రమణారెడ్డి, శీలం వెంకటరామిరెడ్డి, బొగ్గుల శ్రీనివాసరెడ్డి, వేముల వెంకటేశ్వర రావు, కర్నాటి సుధాకర్‌ రెడ్డి, లక్కిరెడ్డి కృష్ణా రెడ్డి, బొగ్గుల సత్యనారాయణ రెడ్డి, వెంకటరెడ్డి, బొర్రా నారాయణ, ప్రశాంత్‌, శ్రీనివాసరెడ్డి, బూసిరెడ్డి బ్రహ్మా నందరెడ్డి, అప్పారావు, క్రీడాకారులు, గ్రామస్తులు పాల్గొన్నారు.
