నవతెలంగాణ- ముదిగొండ
          మండలపరిధిలో పమ్మి గ్రామంలో ఏసుక్రీస్తు దీక్ష ధరించిన సోదరులు 40 రోజులు ఉపవాస దీక్షలో భాగంగా వెంకటాపురం ఆర్‌.సి.యం చర్చి ఫాదర్‌ టి ప్రేమసాగర్‌ ఆధ్వర్యంలో ఆదివారం బహిరంగ సిలువ మార్గాన్ని ఘనంగా నిర్వహించారు.గ్రామ వీధులలో ఏసుక్రీస్తు ఆరాధన గేయాలతో సిలువను మోస్తూ ప్రార్థన కూటమి వరకు ప్రదర్శన చేశారు.అనంతరం పంబ కొండలరావు,రాణి నివాసంలో ఏసుక్రీస్తు దివ్య బలిపూజ నిర్వహించారు.ఈ కార్యక్రమంలో పమ్మి ఆర్సిఎం పంతులు రాయబారపు యోహాను, దీక్ష సోదరులు రాయబారపు కిట్టు, రాయబారపు నవీన్‌, పంబ కొండలరావు, ఆవుల సతీష్‌, వెంకటాపురం ఆర్‌.సి.యం విచారణ గ్రామాలు వనంవారికిష్టాపురం, వల్లాపురం, పండ్రేగుపల్లి సంఘస్తులు, దీక్షా సోదరులు, సిస్టర్స్‌ పాల్గొన్నారు.