- రైతులను ప్రభుత్వం ఆదుకుంటుంది
- డీఏవో అభిమన్యుడు
నవతెలంగాణ-ఇల్లందు
              ఇటీవల అకాల వర్షాలకు మండలంలో పంటలు దెబ్బతిన్నాయి. గాలి దుమారం వర్షాలకు మొక్కజొన్న వాలిపోయింది. పంట నష్టం అంచనా వేయడానికి డీఏవో అభిమన్యుడు, డీహెచ్‌ఎస్‌ఓ మరియన్న ఆధ్వర్యంలో బృందం సోమవారం పర్యటించింది. మండలంలోని కొమరారం, మాణిక్యారం, మసివాగు పంచాయతీలలోని అనేక గ్రామాలలో మొక్కజొన్న పంటలను పరిశీలించారు. రైతులను కలుసుకొని అంచనా వివరాలు సేకరించారు. ఈ సీజన్లో రైతులు వేసుకోవాల్సిన పంటల గురించి సూచనలు చేశారు. ఈ సందర్భంగా మాట్లాడారు. మండలంలో ప్రధానంగా మొక్కజొన్నకు తీవ్ర నష్టం జరిగిందని అంచనా వేస్తున్నామని తెలిపారు. నివేదికల తయారు చేసి ప్రభుత్వానికి పంపనున్నట్లు తెలిపారు. వీరి వెంట వ్యవసాయ శాఖ ఉప సంచాలకులు వాసవి రాణి, మండల వ్యవసాయ శాఖ అధికారి సతీష్‌ తదితరులు ఉన్నారు.