- అంగన్వాడీ వర్కర్స్‌ అండ్‌ హెల్పర్స్‌ యూనియన్‌ (సిఐటియు) డిమాండ్‌
నవతెలంగాణ-కొత్తగూడెం
దసరా సినిమాలో అంగన్‌ వాడీ పాత్రలో నటుంచిన హీరోయిన్‌ కోడిగుడ్లు దొంగిలించినట్లు ఉన్న సన్నివేశాన్ని వెంటనే తొలగించాలని, రాష్ట్ర ప్రభుత్వంను, సెన్సార్‌ బోర్డును డిమాండ్‌ చేశారు. దసరా సినిమా ఆడుతున్న స్థానిక పూర్ణ థియేటర్‌ నందు అంగన్‌ వాడి టీచర్స్‌, హెల్పర్స్‌ సీఐటీయూ ఆధ్వర్యంలో నిరసన కార్యక్రమాన్ని నిర్వహించడం జరిగింది. ఈ కార్యక్రమంలో సిఐటియు జిల్లా కమిటీ సభ్యులు భూక్య రమేష్‌ మాట్లాడుతూ దసరా సినిమాలో అంగన్వాడీలను కించపరిచే విధంగా ఉన్న సన్నివేశాన్ని వెంటనే తొలగించాలని డిమాండ్‌ చేశారు.లేని పక్షంలో దసరా సినిమా ప్రదర్శనను అడ్డుకుంటామని హెచ్చరించారు.