నవతెలంగాణ -టేకులపల్లి
             పోషణ పక్షం కార్యక్రమంలో భాగంగా టేకులపల్లి సెక్టార్‌లో టేకులపల్లి 2 సెంటర్లో టేకులపల్లి ఐసిడిఎస్‌ ప్రాజెక్టు ఆధ్వర్యంలో చిరుధాన్యాలతో వంటకాలు సోమవారం నిర్వహించినట్లు సూపర్వైజర్‌ కె.అనురాధ తెలిపారు. పోషణ పక్షం కార్యక్రమం నిర్వహించారు. అనంతరం గర్భిణీలకు శ్రీమంతాలు, పిల్లలకు అన్నప్రాసన, అక్షరాభ్యాసాలు చేసినట్లు తెలిపారు. తల్లులకు చిరుధాన్యాల కొరకు అవగాహన కల్పించి, రోజువారి వంటకాలలో చిరుధాన్యాలు ఉపయోగించాలని సలహాలు ఇవ్వడం జరిగిందన్నారు. ఈ కార్యక్రమానికి టేకులపల్లి గ్రామపంచాయతీ సర్పంచ్‌ బోడ సరిత, కార్యదర్శి కిరణ్‌, ప్రాథమిక పాఠశాల ప్రధానోపాధ్యాయులు లక్ష్మణ్‌, రవీందర్‌ పాల్గొన్నారు.