- పీసీసీ ప్రకటించే వరకు పాత కమిటీలే కొనసాగుతాయి
నవతెలంగాణ-మణుగూరు
పార్లమెంటు నియోజకవర్గం ఇంచార్జి సూచించిన కొత్త కమిటీలు పీసీసీ అప్రూవల్‌ పొందిన తర్వాత మాత్రమే చెల్లుబాటు అవుతాయని, డీసీసీ ప్రకటించిన కొత్త కమిటీలు చెల్లుబాటు కావని, సీనియర్‌ కాంగ్రెస్‌ నాయకులు, మైనారిటీ సెల్‌ అధ్యక్షులు ఎండీ నురుద్దీన్‌ అన్నారు. మంగళవారం విలేకరులతో మాట్లాడుతూ టీపీసీసీ వర్కింగ్‌ ప్రెసిడెంట్‌ మహేష్‌ కుమార్‌ గౌడ్‌ తెలిపిన వివరాలు తెలియజేసారు. వచ్చే అసెంబ్లీ ఎన్నికల కోసం పార్టీని బలోపేతం చేయడం కోసం క్షేత్రస్థాయిలో పార్టీ నిర్మాణం చెయ్యాలని సూచించారు అని తెలిపారు. పార్లమెంట్‌ నియోజకవర్గ ఇంచార్జి సూచించిన కొత్త కమిటీలు పీసీసీ అప్రూవల్‌ పొందిన తరవాత మాత్రమే చెల్లుబాటు అవుతాయన్నారు. ఈ నెల 20వ తేదీ లోపల పంపుతారని తెలియజేసారు. పాత్రికేయ మిత్రులు, మండల ప్రజలు గమనించాలని తెలిపారు. ఈ కార్యక్రమంలో మండల కాంగ్రెస్‌ పార్టీ ఆఫీస్‌ ఇంచార్జి షరీఫ్‌, ఉపాధ్యక్షుడు కిరణ్‌ మోహన్‌, పులిపాటి పాపారావు, కార్యదర్శి మేకల మనోజ్‌, మాధవరెడ్డి, తదితరులు పాల్గొన్నారు.
