- సీపీఐ(ఎం) రాష్ట్ర కార్యదర్శివర్గ సభ్యులు పోతినేని సుదర్శన్‌రావు
నవతెలంగాణ - బోనకల్‌
మండలంలోని లక్ష్మీపురం గ్రామంలో సీపీఐ(ఎం) సీనియర్‌ నాయకుడు గరిమీడి అప్పారావు మృతి చాలా బాధాకరమని సీపీఐ(ఎం) రాష్ట్ర కార్యదర్శి వర్గ సభ్యులు పోతినేని సుదర్శన్‌రావు అన్నారు. మండల పరిధిలోని లక్ష్మీపురం గ్రామంలో అప్పారావు దశదిన కార్యక్రమం గురువారం జరిగింది. ఈ సందర్భంగా అప్పారావు చిత్రపటానికి పోతినేని సుదర్శన్‌రావు, జిల్లా కార్యదర్శి వర్గ సభ్యులు చింతలచెరువు కోటేశ్వరరావు, ఎంపీపీ కంకణాల సౌభాగ్యం పూలమాలలు వేసి ఘనంగా నివాళులర్పించారు. మాజీ ఎంపీపీ కొమ్ము శ్రీనివాసరావు సిపిఎం పార్టీ గ్రామ కార్యదర్శి గుడ్డురీరి వెంకట నరసయ్య కిలారి శ్రీనివాసరావు లక్ష్మీపురం ఇన్చార్జి సర్పంచ్‌ గుడ్డూరి ఉమ తదితరులు చిత్రపటానికి పూలమాలలు వేసి ఘనంగా నివాళులర్పించారు ఈ సందర్భంగా ఆయన కుటుంబ సభ్యులను పరామర్శించి సంతాప సానుభూతి తెలిపారు.
బండి నాగేశ్వరరావు మృతి పార్టీకి తీరని లోటు
చింతకాని : సిపిఐ(ఎం) సీనియర్‌ నాయకులు కామ్రేడ్‌ బండి నాగేశ్వరరావు మృతి పార్టీకి తీరని లోటని సిపిఐ(ఎం) రాష్ట్ర కార్యదర్శి వర్గ సభ్యులు పోతినేని సుదర్శన్‌రావు పేర్కొన్నారు. నాగుల వంచలో గురువారం బండి నాగేశ్వరరావు దశదినకర్మకు పోతినేని హాజరై బండి నాగేశ్వరరావు చిత్రపటానికి పూలమాల వేసి నివాళులర్పించారు. కార్యక్రమంలో పార్టీ చింతకాని మండల కమిటీ సభ్యులు తోటకూర వెంకట నరసయ్య, పార్టీ శాఖ కార్యదర్శి ఆలస్యం రవి, నాయకులు బండి రామారావు, బండి రామకృష్ణ, బండి రాజు తదితరులు పాల్గొన్నారు.
