- పాలేరులో మిత్రపక్షాల ఐక్యతతో గెలుపు ఖాయం
- సీపీఐ(ఎం) రాష్ట్ర కార్యదర్శి తమ్మినేని వీరభద్రం
నవతెలంగాణ-తిరుమలాయపాలెం
బిజెపి, ఆర్‌ఎస్‌ఎస్‌ చేస్తున్న మతోన్మాద రాజకీయాలు తిప్పికొట్టడమే అంబేద్కర్‌కి ఇచ్చే నిజమైన నివాళి అని, రాజ్యాంగాన్ని రక్షించుకునే కార్యక్రమాల్లో కమ్యూనిస్టులు ముందుండాలని సీపీఐ(ఎం) రాష్ట్ర కార్యదర్శి తమ్మినేని వీరభద్రం అన్నారు. స్థానిక మేడేదపల్లి గ్రామంలో సిపిఎం మండల కార్యదర్శి కొమ్ము శ్రీను అధ్యక్షతన ఏర్పాటు చేసిన పార్టీ ముఖ్య కార్యకర్తల సమావేశంలో తమ్మినేని మాట్లాడారు. అంతకు ముందు అంబేద్కర్‌ జయంతి సందర్భంగా ఏర్పాటు చేసిన సభలో ఆయన ప్రసంగించారు. పాలేరు నియోజకవర్గంలో టిఆర్‌ఎస్‌, సిపిఐ, సిపిఎం మిత్రపక్షాల అభ్యర్థి తప్పకుండా గెలిస్తా రని, ఈ నియోజకవర్గంలో బలమైన శక్తులుగా ఈ మూడు పార్టీలు ఉన్నాయని, గెలవడం చాలా తేలికని ఈ సందర్భంగా అన్నారు. మూడు పార్టీల కార్యకర్తలు కలిసికట్టుగా కష్టపడాలని ఆయన సందర్భంగా పిలుపునిచ్చారు. కార్యక్రమంలో సిపిఎం పాలేరు నియోజకవర్గ ఇన్చార్జి బండి రమేష్‌, పార్టీ జిల్లా కమిటీ సభ్యులు, మండల ఇన్చార్జి షేక్‌ బషీరుద్దీన్‌, మండల నాయకులు అంగిరేకుల నరసయ్య, బింగి రమేష్‌, పద్మనాభల సుధాకర్‌, దాసరి మహేందర్‌, వశుపంగు వీరన్న, సురేష్‌, ఉపేందర్‌రెడ్డి, వెంకటరామిరెడ్డి, స్వామి, వెంకటేష్‌, రాజశేఖర్‌, నిర్మల రావు, వేగినాటి వెంకట్రావు, దొండేటి సుగుణమ్మ, స్థానిక సర్పంచ్‌ మరియు ఎంపీటీసీ, పప్పుల ఉపేందర్‌, ప్రసాద్‌ తదితరులు పాల్గొన్నారు.
