నవతెలంగాణ-కొత్తగూడెం
సింగరేణి కాలరీస్‌ కార్పొరేట్‌ ఆధ్వర్యంలో భారత రాజ్యాంగ నిర్మాత భారత రత్న డాక్టర్‌ బిఆర్‌.అంబేద్కర్‌ 132వ జయంతి వేడుకలను కొత్తగూడెం సింగరేణి హెడ్‌ ఆఫీస్‌లో ఘనంగా నిర్వహించారు. ఈ కార్యక్రమంలో సింగరేణి సంస్థ డైరెక్టర్‌ పిఅండ్‌పి జి.వెంకటేశ్వర రెడ్డి అంబేద్కర్‌ చిత్రపటానికి పూలమాలలు వేశారు. కేక్‌ కట్‌ చేసి సింగరేణియులకు అంబేద్కర్‌ జయంతి శుభాకాంక్షలు తెలిపారు. ఈ సందర్భంగా జి.వెంకటేశ్వర రెడ్డి మాట్లాడారు. అంబేద్కర్‌ జయంతిని ''నాలెడ్జ్‌ డే'' గా జరుపుకోవడం చాలా సంతోషకరమన్నారు. ఈ సందర్భంగా హెడ్‌ ఆఫీస్‌లో పని చేసే అసంఘటిత కార్మికులకు చీరలు పంపిణీ చేశారు. జిఎం పర్సనల్‌ వెల్ఫేర్‌ అండ్‌ ఆర్‌సి కె.బసవయ్య అధ్యక్షతన జరిగిన ఈ కార్యక్రమంలో కార్పొరేట్‌ జిఎంలు దామోదర్‌ రావు, సిఎంఓ బిహెచ్‌. వేంకటేశ్వర రావు, శశిధరరాజు, లైసన్‌ ఆఫీసర్లు వి.కృష్ణయ్య, మాల కొండయ్య, ఎస్‌సి, ఎస్‌టి సంక్షేమ సంఘం నాయకులు అంతోటి నాగేశ్వరరావు, బి.నాగేశ్వరరావు, భానోత్‌ కర్ణ, ఓదెలు, టిబిజికేఎస్‌ ప్రతినిధి పి.శంకర్‌, సిఎంఓఏఐ కార్పొరేట్‌ అధ్యక్షులు విజయభాస్కర్‌ రెడ్డి, డిజిఎం పర్సనల్‌ కె. శ్రీనివాసరావు, సివిల్‌, పర్సనల్‌, ఈఅండ్‌ఎం, ఇతర అధికారులు పాల్గొన్నారు.
