నవతెలంగాణ-భద్రాచలం రూరల్‌
భద్రాచలం పట్టణానికి చెందిన ప్రముఖ చిన్న పిల్లల వైద్యులు డాక్టర్‌ పిన్నింటి రాజశేఖర్‌ ఆదివారం పూసుకుప్ప గ్రామంలోఉచితంగా వైద్య శిబిరం నిర్వహించి మందులను పంపిణీ చేశారు. పూసుకుప్ప గ్రామంలోని సుమారు వందమంది చిన్నారులకు ఉచితంగా వైద్య పరీక్ష నిర్వహించి ఆరోగ్యం పట్ల పలు సూచనలు చేశారు. ఈ సందర్భంగా డాక్టర్‌ పిన్నింటి రాజశేఖర్‌ మాట్లాడుతూ గవర్నర్‌ తమిళ్‌ సై మేరకు భద్రాచలం ఏజెన్సీలోని మారుమూల గిరిజన గ్రామాలలో స్వాతి హాస్పిటల్స్‌ ఆధ్వర్యంలో ఉచిత వైద్య శిబిరాలు నిర్వహించి మందులను పంపిణీ చేస్తున్నట్టు ఆయన ఈ సందర్భంగా తెలియజేశారు. ఆదివారం సెలవు తీసుకోకుండా ఏజెన్సీ ప్రాంత గిరిజన గ్రామాలలో ఉచిత వైద్య సేవలు అందించిన రాజశేఖర్‌ని పట్టణ ప్రముఖులు అభినందిస్తున్నారు.