నవతెలంగాణ-భద్రాచలం రూరల్‌
పట్టణంలోని అంబేద్కర్‌ సెంటర్‌ నందు గల త్రివేణి స్కూల్‌ విద్యార్థులు ప్రతిభ చాటారు. సుచరి టాలెంట్‌ టెస్ట్‌లో త్రివేణి స్కూల్‌ విద్యార్థులు మూడవ తరగతి చదువుతున్న ఎ.అక్షరు ప్రధమ, యస్‌.కార్తికేయ ద్వితీయ, జిల్లా స్థాయిలో కైవసం చేసుకున్నారు. విద్యార్థులను స్కూల్‌ యాజమాన్యం అభినందించింది. నవంబర్లో అన్ని స్కూల్‌ నుంచి విద్యార్థులకు సుచిర్‌ ఇండియా టాలెంట్‌ టెస్ట్‌ నిర్వహించారు. ఈ సందర్భంగా ప్రతిభ చాటిన విద్యార్థులను హైదరాబాదులోని రవీంద్ర భారతిలో సుచిర్‌ ఇండియా యజమాన్యం మెమెంటోలు, సర్టిఫికెట్స్‌ ఇచ్చి సత్కరించారు. స్కూల్‌ ప్రిన్సిపల్‌ జంగాల మంజుల మాట్లాడుతూ త్రివేణి స్కూల్‌ నందు నర్సరీ నుండి పదవ తరగతి వరకు చదువుకుంటున్నటువంటి విద్యార్థినీ, విద్యార్థులకు ప్రతి ఒక్క కాంపిటీషన్లో మా స్కూల్‌ నందు పాల్గొనే విధంగా మా అధ్యాపక బృందం ఎంతో క్రమశిక్షణతో కూడినటువంటి విద్యని అందిస్తున్నారని తెలిపారు. ఈ కార్యక్రమంలో వైస్‌ ప్రిన్సిపల్‌ కానుమిల్లి విమలాదేవి, అడ్మిస్ట్రేట్‌ ఆఫీసర్‌ బాబురావు సార్‌, ఇంచార్జ్‌ నరేష్‌ క్యాంపస్‌ ఇంచార్జ్‌ సందీప్‌ రెడ్డి అధ్యాపక బృందం విద్యార్థినీ, విద్యార్థులు తదితరులు పాల్గొన్నారు.
