నవతెలంగాణ-పినపాక
పినపాక మండలం ఈ.బయ్యారం గ్రామపంచాయతీ పోతిరెడ్డిపల్లి గ్రామంకు చెందిన తునికి రాముకు చెందినటువంటి పాడి గేదె పిడుగుపాటుకు మృతి చెందింది. ఆదివారం ఉదయం ఎనిమిదిన్నర గంటలకు మేతకి విడవగా విడిచిన కొద్దిసేపటికే పిడుగుపాటుకు గురై పాడి పశువు మృతి చెందిందని రైతు తెలిపారు. దీంతో సమాచారం అందుకున్న పినపాక మండల పశు వైద్యాధికారి డాక్టర్‌ బాలకృష్ణ చవాన్‌ స్పందించి సంఘటన స్థలానికి చేరుకొని మరణించిన పశువు, యజమాని తాలూకా వివరాలు సేకరించారు. పోస్టుమార్టం నిమిత్తం సమీప డంప్‌ యార్డ్‌కి తరలించాల్సిందిగా ఆదేశించారు.
మీ స్నేహితులకు రికమెండ్ చెయ్యండి
