నవతెలంగాణ-ములకలపల్లి
తెలంగాణ ఆదివాసీ గిరిజన సంఘం రాష్ట్ర కమిటీ సభ్యుడిగా ములకలపల్లి మండలానికి చెందిన గౌరీ నాగేశ్వరరావు నూతనంగా ఎన్నికయ్యారు. 5, 6 తేదీలలో భద్రాచలంలో జరిగిన తెలంగాణ ఆదివాసి గిరిజన సంఘం 3వ రాష్ట్ర మహాసభలలో ఎన్నికయ్యారు. ములకలపల్లి మండలంలో ఆదివాసి సమస్యలపై నిరంతరం ఆందోళన పోరాటాలు నిర్వహిస్తున్నారు. ముఖ్యంగా పోడు భూముల సమస్యపై పలుమార్లు జైలు జీవితం గడిపారు. మండల వ్యాప్తంగా ఆదివాసీలు ఎదుర్కొంటున్న అనేక సమస్యలపై ఉద్యమాలు నిర్వహిస్తున్నారు. రాష్ట్ర కమిటీ సభ్యులుగా ఎన్నికైన గౌరీ నాగేశ్వరరావును వివిధ ప్రజా సంఘాల నాయకులు అభినందించారు.
మీ స్నేహితులకు రికమెండ్ చెయ్యండి
